RUS
SMARTNEWS.KZ басылымының хабарлауынша, АҚШ президенті Дональд Трамп Канадамен арадағы сауда келіссөздерін дереу тоқтататынын мәлімдеді. Бұған себеп – Канаданың технологиялық компанияларға салық салу жоспары. Трамп бұл шешімді «біздің елге жасалған тікелей әрі өрескел шабуыл» деп атады.
Truth Social желісіндегі жазбасында Трамп Канада үкіметі Вашингтонды цифрлық қызметтер салығын енгізу ниеті туралы ресми түрде хабардар еткенін айтты. Бұл салық 1 шілдеден бастап күшіне енеді.
«Осы әділетсіз салыққа байланысты Канадамен жүргізіліп жатқан БАРЛЫҚ сауда келіссөздерін дереу тоқтатамыз. Канадаға АҚШ-пен бизнес жасау үшін қандай баж салығы төлейтінін келесі жеті күн ішінде хабарлаймыз», – деді Трамп.
Салық кімдерге қатысты?
Цифрлық қызметтер салығы Канадада онлайн қызмет көрсететін ел ішіндегі және шетелдік компанияларға қолданылады. Олардың қатарына:
Amazon
Meta (Facebook)
Uber
Airbnb
Салық мөлшері – канадалық пайдаланушылардан түскен табыстың 3%-ы. Ең даулы тұсы – салықтың кері күшпен қолданылуы. Яғни, ол 2022 жылдан бастап есептеледі. Осыған байланысты АҚШ компаниялары Канадаға шамамен 2 миллиард доллар (1,7 млрд еуро) төлеуі тиіс.