5 жасар қыз баланы зорлаған 70 жастағы қария ұсталды
Қылмыскерді полиция жарты ғасырға жуық іздеген боп шықты.
SMARTNEWS.KZ басылымының хабарлауынша, Мәскеуде 70 жастағы зейнеткер 5 жасар қызды зорлағаны үшін қамауға алынды.
Қылмыс 1977 жылдың сәуірінде болған. Ол кезде 23 жастағы Анатолий Бровкин Фомичева көшесінде ойнап жүрген кішкентай қызды көріп, оған шабуыл жасаған.
Полиция зорлықшыны бір жылға жуық іздеген, бірақ ұстай алмаған. 1978 жылдың наурызында іс тоқтатылған.
Алайда заманауи технологиялардың көмегімен бұрынғы дәлелдер қайта қаралып, сараптамалар қазіргі әдістермен жүргізілген. Нәтижесінде қылмыскердің кім екені анықталды.
Белгілі болғандай, Бровкин әлі күнге дейін Мәскеуде, Планерная ауданында тыныш өмір сүріп келген. Қазір ол ұсталып, тергеу изоляторына қамалды.
Оған қатысты іс 1962 жылғы Қылмыстық кодекс бойынша қаралады. Айта кетейік, сол кездегі заң бойынша мұндай қылмыс үшін ең жоғары жаза – өлім жазасы да қолданылуы мүмкін еді.
Материал авторы
