RUS
SMARTNEWS.KZ басылымының хабарлауынша, Атырау қаласындағы Береке шағынауданында 11 жастағы бала көпқабатты үйдің лифт шахтасына құлап кетті. Абырой болғанда, ауыр жарақат алған жоқ.
Оқиға баланың лифтіге велосипедпен кірмек болған сәтінде болған. Лифт есігі автоматты түрде жабылып, баланың өзі сыртта қалып қойған, ал велосипеді есік пен кабина арасына қысылып қалған. Лифт жоғары көтеріле бастағанда, бала велосипедті жібермей ұстап тұрған. Соның салдарынан ол жерден көтеріліп, бір сәтте тепе-теңдігін жоғалтып, лифт шахтасына құлап түскен.
Бала аман қалды. Оған дереу медициналық көмек көрсетіліп, ауруханаға жеткізілген. Дәрігерлердің айтуынша, ауыр жарақаттар жоқ.
Қазір бұл оқиғаға байланысты тексеріс басталды.