Шымкентте полиция басшысы аяғы ауыр әріптесін зорлады деген күдікке ілікті
Бастықтың үстінен қылмыстық іс қозғалды.
SMARTNEWS.KZ басылымының хабарлауынша, Шымкентте жоғары лауазымды полицейге қатысты зорлау бабы бойынша қылмыстық іс қозғалды. Күдікті — Еңбекші аудандық полиция бөлімінің жергілікті полиция қызметі бастығының орынбасары. Бұл туралы журналист Михаил Козачков Telegram-арнасында хабарлады.
"Кеше Еңбекші аудандық жергілікті полиция қызметі бастығының орынбасарына қатысты зорлау туралы арыз түсті. Жәбірленуші – оның әріптесі, құқық қорғау органдарының қызметкері. Ол қазір жүкті", – делінген жазбада.
Оқиғаға қатысты Шымкент қалалық ПД баспасөз қызметі Liter.kz редакциясының ресми сауалына жауап берді.
"Әйел адамның арызы негізінде ҚР ҚК 120-бабы бойынша қылмыстық іс қозғалды. Қазір істің барлық мән-жайын анықтау үшін кешенді тергеу амалдары жүргізілуде. Тергеу нәтижесінде процессуалдық шешім қабылданады. Қылмыстық-процестік кодекстің 201-бабына сәйкес, өзге мәліметтер жария етілмейді", – деп хабарлады полиция.
Материал авторы
