RUS
SMARTNEWS.KZ басылымының хабарлауынша, Мәжіліс депутаты Әділ Жұбановқа тиесілі болуы мүмкін компания — «Батыс Альянс Строй» ЖШС-не қатысты Антикор тексеріс жүргізіп жатыр. Бұл туралы Атырау облысы әкімінің орынбасары Қайрат Нұртаевпен ықтимал байланысы себеп болғаны хабарланды.
Антикоррупциялық қызмет мәжіліс депутатының бизнесіне қатысты тексеру бастады
Сыбайлас жемқорлыққа қарсы агенттік компанияның мемлекеттік сатып алулар мен бюджет қаржысына қатысты жобаларға қатысуын мұқият тексеруде. Белгілі болғандай, Қайрат Нұртаев мемлекеттік қызметке дейін дәл осы компанияда жұмыс істеген.
Әділ Жұбанов аталған іске қатысты түсініктеме беріп, барлық айыптауларды «негізсіз және манипулятивті» деп атады.
«Мен компанияның қызметіне араласпаймын. Өкінішке қарай, қазіргі қоғамда лайықты адамдарды жалған ақпарат пен қысым арқылы құртып жатқан мысалдар өте көп. Жақында ғана бұрынғы Қорғаныс министрі Руслан Жақсылықов туралы жалған мәліметтер тарады. Ондай жағдай кез келген адаммен болуы мүмкін», – деді мәжілісмен.
Депутаттың айтуынша, ол парламентке сайланғаннан кейін бизнесін сенімді басқаруға тапсырған.
Атырау облысының әкімі Серік Шәпкенов те бұл мәселеге пікір білдіріп, орынбасары Қайрат Нұртаевтың бұған дейін депутат Жұбановтың компаниясында жұмыс істегенін растады.
«Ол сол жақтағы жұмысымен көзге түскеннен кейін, мүмкін, Жұбанов өзі шақырған шығар. Қазір бұл мәселеге байланысты тексеріс жүріп жатыр, қажет болған жағдайда біз тергеу органдарымен толықтай ынтымақтасуға дайынбыз», – деді әкім.
Тексеріс шеңберінде іс материалдары Атырау облысы бойынша ішкі мемлекеттік аудит департаментіне жолданды. Ревизорлар тендер құжаттарын ғана емес, компанияның барлық қаржылық-шаруашылық қызметін, соның ішінде мемлекеттік келісімшарттарды да тексереді.
Антикор қысқа ғана мәлімдеме жасап, әлеуметтік желідегі сигналдар мен мониторинг нәтижесінде бюджет қаражатының бөлінуі мен шарттардың орындалуына қатысты әлеуетті заңбұзушылықтар анықталғанын айтты. Тергеудің мүддесі үшін өзге деректер әзірге жария етілмейді.
Әзірге депутат Әділ Жұбановқа ресми айып тағылған жоқ.