RUS
SMARTNEWS.KZ басылымының хабарлауынша, Қырғызстанда Арабаев атындағы Қырғыз мемлекеттік университетінде (ҚМУ) бірқатар заңбұзушылықтар анықталып, 59 шетелдік студент оқудан шығарылмақ. Олардың қатарында 20 Қазақстан азаматы бар. Бұл туралы КАБАР агенттігі жазды.
Қырғыз Республикасының Ұлттық қауіпсіздік мемлекеттік комитетінің мәліметінше, аталмыш университетте формалды түрде тіркеуде тұрған студенттердің бір бөлігі оқу процесіне мүлде қатыспаған. Кейбірі ел аумағында да болмаған.
Тексеру нәтижесінде:
30 студент – Өзбекстан азаматы,
20 студент – Қазақстан азаматы,
9 студент – Ресей азаматы екені белгілі болды.
Аталған дерек бойынша Қырғыз Республикасының Қылмыстық кодексінің 345-бабы, 1-бөлігі (қызметтік жалғандық) бойынша қылмыстық іс қозғалды. Комиссиялық тексеру бұл мәліметтерді растаған.
Қазір ҰҚМК университеттегі заңбұзушылықтарға қатысы бар оқытушылар мен әкімшілік қызметкерлерді анықтау үшін жедел-іздестіру шараларын жүргізіп жатыр.