RUS
SMARTNEWS.KZ басылымының хабарлауынша, Пентагон Украинаға Patriot зениттік жүйесіне арналған зымырандар, Hellfire ракеталары және жоғары дәлдіктегі артиллериялық оқ-дәрілерді жеткізуді уақытша тоқтатты. Бұл туралы Politico жазды.
Басылым мәліметінше, шешім АҚШ қорғаныс министрінің орынбасары Элбридж Колбидің бастамасымен маусым айының басында қабылданған. Пентагон аталған оқ-дәрілердің АҚШ-тың өзіндегі қорларының тым азайып кеткенін алға тартып отыр.
«Patriot жүйесі – Украина әуе шабуылынан қорғануының өзегі. Бұл жүйе күн сайын адамдардың өмірін құтқарып жатыр. Егер бұл ақпарат рас болса, онда мырза Колби украиналық әскерилер мен бейбіт тұрғындардың өліміне әкелетін шешім қабылдап отыр», — деді Огайо штатының конгрессвумен-демократы Марси Каптур.
Ақ үй: "Бұл – АҚШ мүддесі үшін қабылданған шешім"
Ақ үйдің баспасөз хатшысының орынбасары Анна Келли Politico-ға берген түсініктемесінде бұл шешімнің «АҚШ ұлттық мүдделерін сақтау үшін» қабылданғанын мәлімдеді. Оның айтуынша, бұл — Америка тарапынан басқа елдерге көрсетілетін әскери көмекке жасалған ішкі шолу нәтижесі.
Байден әкімшілігі келіскен қару жеткізілімі тоқтады
Жеткізілім тоқтатылған оқ-дәрілер Украинаға соңғы екі жыл ішінде екі арна арқылы жіберіліп келген. Бірі Пентагонның қазіргі қорларынан, кейін шығын өтеліп отырған. Екіншісі Украина қауіпсіздігіне жәрдемдесу бастамасы (USAI) аясында — бұл бағдарлама бойынша АҚШ қорғаныс компанияларынан тікелей сатып алу жүргізілген.
Politico жазуынша, Байденнің президенттік мерзімі аяқталғанша USAI аясындағы барлық қаражат бөлініп қойған, ал жеткізілім тек жүйелер дайын болған жағдайда ғана жүзеге асырылған.