RUS
SMARTNEWS.KZ басылымының хабарлауынша, Қазақстанның 10 өңірінде көктемгі су тасқыны қаупін болжауға Tasqyn ақпараттық жүйесі мүмкіндік берді.
Жүйе 14 наурыз бен 18 сәуір аралығында елді мекендер бойынша нақты модельдеу жүргізіп, ауқымды су тасқынының алдын алуға ықпал етті, деп хабарлайды Су ресурстары және ирригация министрлігі.
Жобамен қамтылған облыстар:
Батыс Қазақстан, Ақтөбе, Қостанай, Солтүстік Қазақстан, Павлодар, Шығыс Қазақстан, Ақмола, Қарағанды, Абай және Ұлытау.
Нақты нәтиже:
Tasqyn жүйесі Ақмола және Солтүстік Қазақстан облыстарында кейін су басқан 16 елді мекеннің 9-ына алдын ала дәл болжам жасаған.
Жүйе өзендердегі су деңгейі мен ағынын, су қоймаларынан жіберілетін су көлемін, жер бедерінің цифрлық карталары мен батиметриялық деректерді ескеріп, табиғи апат қаупін нақты болжайды.
Министр Аслан Абдраимовтың айтуынша, жүйе жұмысын жақсарту үшін Жол картасы дайындалған. Онда цифрлық модельдер дәлдігін арттыру, гидрологиялық есептеу әдістерін жетілдіру және Tasqyn жүйесін жаңғыртуға бағытталған шаралар қамтылған.
«Жүйені жетілдіру тұрақты түрде жалғасады. Сонымен қатар шекаралас елдермен дерек алмасу, су қоймаларына мониторинг жасау, төтенше жағдайлар қызметін дер кезінде хабардар ету – негізгі басымдықтардың бірі», – деді министр.