RUS
SMARTNEWS.KZ басылымының хабарлауынша, Израиль әскері таңғы уақытта Газа секторындағы бірнеше ауданды, оның ішінде тұрғын үйлер мен босқындар тұрған шатырларды атқылап, салдарынан кемінде 39 палестиндік көз жұмды.
Атыс кезінде 15 адам гуманитарлық көмек кезегінде тұрған кезде қаза тапқан.
Хан-Юнус қаласының Әл-Меваси ауданында бір үйге жасалған шабуылдан екі адам мерт болды. Сол қалада босқындарға арналған үш шатырға тасталған бомбаның салдарынан 12 палестиндік опат болды.
Сонымен қатар Хан-Юнустың басқа бір бөлігінде үш адам оққа ұшып, тағы екі адамның денесі қирандылар астынан табылды.
Газа секторының орталығындағы Салах ад-Дин даңғылында гуманитарлық көмекке кезекке тұрған тұрғындарға шабуыл жасалып, 10 адам қаза тапты, 50-ден аса адам жараланды.
Дейр әл-Балах қаласында бес, Рафахта гуманитарлық көмек тарату пункті маңындағы шабуылдан тағы бес адам мерт болды.