RUS
SMARTNEWS.KZ басылымының хабарлауынша, америкалық танымал рэпер Шон «Дидди» Комбс Нью-Йорктегі Манхэттен федералды сотында жезөкшелікке жәрдемдесу бабы бойынша кінәлі деп танылды.
Алайда рэкет пен адам саудасы бойынша тағылған ауыр айыптардан ақталды. Бұл Комбсқа өмір бойы бас бостандығынан айырылу қаупінен құтылуға мүмкіндік берді.
55 жастағы музыкантқа қатысты сот процесі екі айға жуық уақытқа созылды. Прокуратура оны әйелдерді бірнеше күнге созылатын жыныстық кештерге тартқан қылмыстық топтың басшысы ретінде сипаттады. Куәгерлердің айтуынша, кештерде әйелдерге есірткі мен ішімдік беріліп, зорлыққа ұшыраған. Кей жағдайларда бәрі видеоға түсірілген. Ал қорғаушылар бұл әрекеттердің барлығы екі жақты келісіммен болғанын айтып, Комбсты бұрынғы серіктестер мен бәсекелестердің кек алу нысанына айналды деп мәлімдеді.
Рэперге үкім кейінірек жарияланады. Қазіргі айып бойынша ол 20 жылға дейін бас бостандығынан айырылуы мүмкін.
Айта кетейік, 2023 жылы Диддидің бұрынғы жұбайы оны зорлық-зомбылық, есірткіге мәжбүрлеу, жыныстық қатынасқа зорлау және басқа ер адамдармен жыныстық қатынасқа итермелеу бойынша айыптаған болатын. Осы шағымнан кейін басқа да жәбірленушілер пайда болып, олардың арасында кәмелетке толмағандар да болғаны туралы мәліметтер тарады.