RUS
SMARTNEWS.KZ басылымының хабарлауынша, танымал шахматшы, блицтен екі дүркін әлем чемпионы Бибісара Асаубаева Instagram желісінде жазылушыларымен шағын сұхбат жүргізіп, жігіттер мен қыздардан қандай қасиеттерді бағалайтынын айтып өтті.
Жанкүйерлердің бірі қойған сұраққа спортшы мынадай жауап берді:
«1. Тәрбиелі, 2. Мейірімді, 3. Жомарт, 4. Орынды әзілдейтін, 5. Дамуға ұмтылатын. Ең бастысы – шынайы болса. Екіжүзділікті мүлде ұнатпаймын», – деп жазды Бибісара.
Бұл пікір желіде кең тарап, көптеген жанкүйер спортшының қарапайымдылығын атап өтті.
Еске салайық, Бибісара Асаубаева – 21 жаста, Тараз қаласының тумасы. Ол 2021 және 2022 жылдары блиц шахматтан әлем чемпионы атанып, осы санатта тарихтағы ең жас чемпион ретінде танылды.