RUS
SMARTNEWS.KZ басылымының хабарлауынша, Қаржылық пирамида құру ісі бойынша сотталған вайнер Мейірхан Шерниязов жазасын өтеп, бостандыққа шықты.
Ол әлеуметтік желіде отбасымен қауышқан сәттің видеосын жариялады. Кадр сыртында:
«Он жылды жоғалтқаныңа өкінбейсің бе, бауырым?» деген сұрақ естіледі.
Шерниязов 2022 жылдың сәуірінде вайнер әрі актер Мейіржан Төребаевпен бірге қамауға алынған. Екеуі де 2023 жылдың маусымында ҚР Қылмыстық кодексінің 217-бабы ("қаржы (инвестициялық) пирамидасын құру және оған басшылық ету") бойынша кінәлі деп танылып, бес жылға сотталған.
Сот шешіміне сәйкес, Шерниязов пен Төребаев тек Mudarabah Capital пирамидасын жарнамалап қана қоймай, одан табыс та алған. Кейін Шерниязов жазасын жеңілдетуді сұрап, өтініш түсірген. Алайда 2024 жылдың желтоқсанында сот оны қанағаттандырмады — себебі ол жәбірленушілерге келтірілген залалдың 0,01%-ынан да азын ғана өтеген.
Mudarabah Capital және Astex.kz пирамидалары бойынша айыпталғандар қатарында 10-нан астам адам нақты түрме жазасын алды. Олардың қатарында:
-
Руслан Бұрқанов — 12 жыл,
-
Дания Рахимова — 10 жыл,
-
Алмас Құрманғалиев — 14 жыл.
Зардап шеккен салымшыларға келтірілген жалпы шығын көлемі – 1,8 миллиард теңгеден асады.
Ал Әділет Ораз пен Әзизжан Саидбаев секілді кей айыпталушылар халықаралық іздеуде.