Еліміздің бірқатар өңірінде ауа райына байланысты дауылды ескерту жарияланды
Өңірлерде қатты ыстық, найзағай, бұршақ және төтенше өрт қаупі күтіледі.
SMARTNEWS.KZ басылымының хабарлауынша, 2025 жылғы 8 шілдеде Қазақстанның бірнеше облысында күрделі метеожағдай қалыптасуы мүмкін. "Қазгидромет" республикалық мекемесі еліміздің бірқатар өңіріне дауылды ескерту жариялады.
Келесі облыстарда төтенше немесе жоғары өрт қаупі сақталады:
Түркістан облысы — күндізгі уақытта батыста 40°C аптап ыстық күтіледі.
Маңғыстау облысы — солтүстік-батысында төтенше өрт қаупі, басқа бөлігінде жоғары өрт қаупі.
Атырау облысы — 35°C ыстық, жоғары өрт қаупі.
Алматы, Жетісу, Ақтөбе, Қарағанды, Ұлытау, ШҚО, Жамбыл, Қызылорда, Павлодар, БҚО — бірнеше күн бойы өрт қаупі өте жоғары деңгейде болады.
Қонаев, Шымкент, Тараз, Атырау, Талдықорған, Павлодар қалаларында да жоғары өрт қаупі сақталады.
Найзағай мен бұршақ жаууы мүмкін өңірлер:
Абай облысы – түнде найзағай, күндіз бұршақ пен дауыл болуы мүмкін.
ШҚО – күндіз кейбір аумақтарда қатты жаңбыр, бұршақ және найзағай күтіледі.
Ақмола, Павлодар, Қостанай облыстары – найзағай мен бұршақ қаупі бар.
Жамбыл облысының таулы аудандарында найзағай болуы мүмкін.
Аталған өңірлерде күшті жел мен шаңды дауыл болады:
Абай, ШҚО, Ақмола, Түркістан, Алматы облыстарында желдің күші 15–23 м/с дейін жетуі ықтимал.
Қызылорда облысының солтүстік және орталық бөлігінде шаңды дауыл болжануда.
Ал мына өңірлерде күн қатты ысиды:
Түркістан – 40°C
Қонаев, Жетісу облысы – 35–37°C
Атырау облысы – 35°C
Құтқарушылар тұрғындарды аса қажет болмаса далаға шықпауға, орман мен далада от жақпауға шақырады. Жел, найзағай, шаңды дауыл мен аптап ыстық жол-көлік қозғалысына және тұрғындардың денсаулығына қауіпті болуы мүмкін.
Материал авторы
