RUS
SMARTNEWS.KZ басылымының хабарлауынша, Қостанай облысында қызына жасаған зорлық әрекеті үшін өгей әке өмір бойына сотталды.
Қостанай облысының бір ауданында жасөспірім қызға қатысты ауыр қылмыс жасалды. Бұл туралы облыстық соттың баспасөз қызметі хабарлады.
Сот мәліметінше, 13 жастағы қыз өгей әкесінің зорлық-зомбылығына тап болған. Қылмыс анасы үйде жоқ кезде жасалған. Ер адам адам өміріне аса қауіпті жұқпалы дертпен АИТВ (ВИЧ) тіркелгені де белгілі болды. Абырой болғанда, қыз бала дерттен аман.
«Қыздың денсаулығына зиян келген жоқ. Ауыр дерт жұқпаған», – деп мәлімдеді облыстық соттың баспасөз қызметі.
Сот істі жабық режимде қараған. Айыпталушы кінәлі деп танылып, өмір бойына бас бостандығынан айырылды.