RUS
SMARTNEWS.KZ басылымының хабарлауынша, Қаржылық мониторинг агенттігінің Алматы қаласы бойынша департаменті «UILI BOLAYIK» (Үйлі болайық) деп аталған қаржы пирамидасының қызметін әшкерелеп, оны тоқтатты.
Ұйымдастырушылар бұл жобаны әлеуметтік тұрғын үй бағдарламасы ретінде көрсетіп, азаматтарға мүлікті пайызсыз бөліп төлеу арқылы сатып алуға болатынын алға тартқан. Қатысушыларға салған қаражаты үшін ай сайын 15–30% көлемінде табыс және әр жаңа тартылған адам үшін 10% бонус уәде етілген.
Азаматтардың ақшасы ұйымдастырушылардың жеке шоттарына аударылып отырған. Ал аталмыш «UILI BOLAYIK қайырымдылық қорының» шоттары іс жүзінде пайдаланылмаған және қаражат қозғалысы болмаған.
Нәтижесінде, бұл қаржы пирамидасына 515 адам тартылып, 50 миллион теңгеден астам қаржы жиналған.
Соттың санкциясымен күдіктінің банктік шоттарына бұғат қойылып, оған елден шығуға тыйым салу түріндегі бұлтартпау шарасы қолданылды.
Қазіргі уақытта тергеу амалдары жүргізілуде.
Қазақстан Республикасы Қылмыстық-процестік кодексінің 201-бабына сәйкес өзге ақпарат жария етуге жатпайды.