RUS
SMARTNEWS.KZ басылымының хабарлауынша, Ресей Федерациясының Әділет министрлігі елдегі «шетелдік агенттер» реестрін қайта толықтырды. Тізімге журналистер, блогер, белсенділер мен оппозициялық саясаткерлер кірді.
Жаңа енгізілген тұлғалар мен ұйымдар:
Украиналық «Наш выход» қоғамдық қозғалысы;
Саясаткер Павел Елизаров;
Блогер Николай Росов;
Журналистер Валерий Поташов пен Дарья Литвишко;
«Еркін Якутия» қорының теңқұрушысы Раиса Зубарева.
«Наш выход» қозғалысы Ресей-Украина соғысы кезінде жоғалған немесе тұтқынға түскен ресейлік әскерилерді іздеумен айналысады. Ал блогер Николай Росов – Санкт-Петербург мемлекеттік университетінің тарих факультетінің түлегі, ол тарихи тақырыптарда стримдер өткізеді.
Раиса Зубарева жетекшілік ететін «Еркін Якутия» қоры Якутияның тәуелсіздігін қолдайды. Бұл ұйым 2023 жылы да "иноагенттер" қатарына қосылған болатын.
Карелиялық журналист Валерий Поташов – 2022 жылдан бастап «Новая газета» басылымының тұрақты авторы. Бірнеше күн бұрын Ресейдің ФСБ қызметкерлері оның үйі мен саяжайында тінту жүргізді. Бұл әрекеттер «Револьт-Центр» ісі аясында болған.
Павел Елизаров – кезінде Ресейдің бұрынғы вице-премьері әрі оппозиционер Борис Немцовпен бірге жұмыс істеген. Ал Дарья Литвишко – RZVRT YouTube-арнасының жүргізушісі.
Ресей Әділет министрлігінің мәліметінше, аталған тұлғалар:
Биліктің шешімдері мен саясаты туралы жалған ақпарат таратқан;
Шетелдік ұйымдармен байланыста болған;
Бұған дейін «иноагент» деп танылған адамдардың материалдарын таратқан;
«Арнайы әскери операцияға» қарсы көзқарасын ашық білдірген.