RUS
SMARTNEWS.KZ басылымының хабарлауынша, 13 шілде күні Ресейдің Санкт-Петербург қаласында 42 жастағы ер адам екі жасөспірім қызды пәтерге алдап кіргізіп, ішімдік беріп, зорламақ болған. Бұл туралы РЕН ТВ телеарнасы мәлімдеді.
Оқиға жалдамалы пәтерде болған. Жергілікті тұрғынның хабарлауынша, 2008 және 2009 жылы туған екі қыз бала ер адамның пәтерінде күштеп ұсталып отырған. Полиция келген сәтте қыздар мен күдікті мас күйде болған.
Қыздар дереу ауруханаға жеткізілді. Дәрігерлер оларды орташа ауыр күйде екенін айтып отыр. Медициналық тексеру кезінде зорлауға оқталған белгілер анықталған.
Қазіргі уақытта 42 жастағы ер адам ұсталып, оған қатысты "Ұсақ бұзақылық" бабы бойынша әкімшілік хаттама толтырылған. Дегенмен, құқық қорғау органдары қылмыстық іс қозғау мәселесін қарап жатыр.