RUS
SMARTNEWS.KZ басылымының хабарлауынша, марқұм айтыскер ақын Оразалы Досбосыновтың әулетінде қуанышты жаңалық. Ақынның ұлы Нұрсұлтан әке атанып, дүниеге сәбиі келді. Бұл туралы Оразалы Досбосыновтың атындағы Instagram парақшасы бөлісті.
«Ораз ағамыздың немересінің бауы берік болсын, үлкен азамат болсын!» – деп жазды парақша әкімшілігі.
Желі қолданушылары да жас әкені құттықтап, ақ тілектерін жаудырып жатыр:
«Бауы берік болсын! Атасының жолын жалғайтын арда ұл болсын!»,
«Адам ұрпағымен мың жасайды. Рухы шат болсын, Ораз ағаның»,
«Ата-апасының бұл сәтті көрмей кеткені өкінішті-ақ... Бір кем дүние...» – деп жазды оқырмандар.
Айта кетейік, бұған дейін ақынның қызы ұзатылып, сол сәтте әнші Роза Әлқожа жан тебірентерлік жазба жариялаған болатын. Ол Оразалының артында қалған перзенттерін «Алашқа аманат» деп атап, елден тілеулес болуын сұраған еді.
«Айшатай, сен тектінің тұяғысың. Арманың орындалсын. Ал Нұрсұлтан мен Нұрайша – Оразалы мен Ажардың елге қалдырған аманаты», – деп жазған еді әнші сол жолы.