RUS
SMARTNEWS.KZ басылымының хабарлауынша, Ақтөбе облысына қарасты Мұғалжар ауданының Қандыағаш қаласында ауыр жол-көлік оқиғасы тіркелді. 13 жастағы бала велосипедпен жүрген кезінде КамАЗ көлігі қағып кеткен. Бұл туралы облыстық Полиция департаментінің баспасөз қызметі хабарлады.
Оқиға 23 шілде күні күндізгі уақытта Сәкен Сейфуллин көшесінде, орталық саябақ маңында болған.
— Алдын ала мәліметке сәйкес, жүк көлігінің жүргізушісі артқа шегініп бара жатқанда велосипед тізгіндеген баланы байқамай соғып кеткен. Жасөспірім алған жарақаттарынан оқиға орнында жан тапсырды. Қазіргі уақытта тергеу амалдары жүріп жатыр, бірқатар сот-медициналық сараптама тағайындалды, — делінген ПД ресми мәлімдемесінде.
Аталған факті бойынша Қылмыстық кодекстің тиісті бабымен іс қозғалып, тергеу басталды. Оқиғаның нақты себептері мен жағдайлары анықталу үстінде.