RUS
SMARTNEWS.KZ басылымының хабарлауынша, Өзбекстанның тұңғыш президенті Ислам Каримовтың немересі Марьям Тилляева екінші рет тұрмысқа шығуға дайындалып жатыр. 26 жастағы бойжеткен ресейлік киім дизайнері Арно Косянмен сөз байласқанын өзінің Instagram парақшасында хабарлады.
Марьям сүйіктісінен үйлену туралы ұсынысты демалыс кезінде алып, бірден келісімін берген. Бұл оның екінші некесі болмақ.
Жас жігіт — 22 жастағы Арно Косян, Мәскеуде тұратын сән дизайнері. Екеуі алғаш рет Франциядағы Куршевель тау шаңғысы курортында танысқан. Марьямның айтуынша, Арно небәрі үш күннің ішінде оның туған-туыстарының көңілінен шыққан. Косянның әлеуметтік желілерінде Монако және өзге де люкс курорттардан жиі фотолар жарияланады.
Айта кетейік, бұған дейін Марьям ресейлік блогер, «Дневник Хача» жобасының авторы Амиран Сардаровпен некеде болған. Ол — Лола Каримованың қызы әрі 1989–2016 жылдары Өзбекстанды басқарған Ислам Каримовтың немересі.
Бұған дейін Ислам Каримовтың бірінші некеден туған жалғыз ұлы Пётр Каримов өзінің өгей анасы Татьяна Каримовамен мұра дауы бойынша соттасып жатқаны хабарланған. Қазіргі таңда істі Ташкенттегі Яккасарай ауданаралық соты қарап жатыр.