RUS
SMARTNEWS.KZ басылымының хабарлауынша, Ninety One тобының мүшесі, ACE лақап атымен танылған Азамат Ашмақын жеке өміріндегі үлкен жаңалықпен бөлісті. Әнші болашақ жары – Нұриләні алғаш рет жұртқа ашық таныстырып, желіде екеуінің бірге түскен видеосын жариялады.
«Оны алғаш көрген күн әлі есімде. Сол сәттен бастап өмірім мүлде өзгерді. Ол маған тыныштық пен нұр алып келді. Баршаңызға дәл осындай махаббат тілеймін. Бақытты өмір сүріңіздер. Осы уақытқа дейін баршаңызға шын жүректен бақыт тілеп жүрсем, енді сол бақыт менің де есігімді қаққан сияқты. Танысып қойыңыздар — Нұрилә», – деп жазды ACE парақшасында.
Желі қолданушылары құттықтауларын жаудырып, түрліше пікір қалдырды.
Бірі «Білгенмін Нұрилә екенін», «Қызғанып жатырмын, кезінде саған ғашық едім» десе, енді бірі «Жеңешеміз сұлу екен», «Той қашан?» деп тойдың қашан болатынын сұрай бастады.
Көпшілік жұпты жарасымды деп бағалап, ACE-ке шын жүректен бақыт тіледі.