RUS
SMARTNEWS.KZ басылымының хабарлауынша, Франция президенті Эммануэль Макрон елінің Палестинаны дербес мемлекет ретінде мойындауға дайын екенін мәлімдеді. Бұл шешім БҰҰ Бас Ассамблеясында биыл қыркүйекте ресми түрде жарияланбақ.
«Біз Палестина мемлекетін құрып, оның өміршеңдігін қамтамасыз етуіміз керек. Ол Израильді толық мойындап, қарусыздануға келісе отырып, Таяу Шығыстағы тұрақтылыққа үлес қосуға тиіс», – деп жазды Макрон X әлеуметтік желісіндегі парақшасында.
Француз көшбасшысы қазіргі басты міндет — бейбіт тұрғындарды қорғау және Газа секторындағы халыққа ауқымды гуманитарлық көмек көрсету екенін де атап өтті.
Айта кетейік, бұған дейін, мамыр айында Ұлыбритания мен Франция Палестинаны бірлесіп мойындау жоспарын талқылаған. Ал сәуірдің басында Макрон мұндай қадамға бару ниетін алғаш рет жария еткен болатын.
Еске салайық, Газа секторындағы әскери қақтығыстар 2023 жылдың қазанында қайта басталды. 2024 жылдың қаңтарында Израиль мен палестиналық «Хамас» қозғалысы уақытша бітімге келіскен еді. Алайда екі айдан кейін, 18 наурызда Израиль армиясы Газадағы операцияларын қайта жандандырып, бітім тоқтатылды. «Хамас» тұтқындарды босату шартына келіспеген соң, ЦАХАЛ әскери әрекеттерін жалғастырды.