Назарбаев әлемдегі ең бай миллиардер-саясаткерлердің қатарда жүр

SMARTNEWS.KZ басылымының хабарлауынша, әлемдік саясат сахнасындағы біраз көшбасшының билігі байлықпен астасып жатыр. 

Ресми табыстары төмен көрінсе де, кейбір президенттер мен премьер-министрлердің жеке байлығы миллиардтаған доллармен есептеледі. Олардың ауқаты — мемлекет активтерін бақылау, мұраға қалған бизнес немесе сәтті инвестициялар арқылы жиналған.

Кезінде Қазақстанды 30 жыл басқарған Нұрсұлтан Назарбаев халықаралық зерттеулер бойынша, әлемдегі ең бай саясаткерлердің тізіміне енген. Сарапшылардың айтуынша, оның байлығы энергетика, құрылыс, банк секторы және ұлттық компаниялармен байланысты. Назарбаев отбасы елдегі ірі активтерге ие делінеді. Бұл туралы brandvm.com жазды.

Тізімдегі басқа саясаткерлер:

Владимир Путин (Ресей) — 200 млрд долларға дейін (ресми емес деректер)

Хассанал Болкиах (Бруней) — 50 млрд доллар

Мохаммед бин Рашид әл-Мактум (БАӘ) — 20 млрд доллар

Дональд Трамп (АҚШ) — 5,1 млрд доллар

Мұхаммед VI (Марокко) — 2,1 млрд доллар

Бұл рейтинг саясат пен капиталдың қалай бірігіп кеткенін көрсетеді. Бірі — миллиардер болып билікке келген, екіншісі — билік арқылы байлыққа жеткен. Мұнай, телеком, медиа, жылжымайтын мүлік — саясаткерлер бақылауындағы негізгі салалар.