RUS
SMARTNEWS.KZ басылымының хабарлауынша, Туризм және спорт министрі Ербол Мырзабосынов ел намысын қорғайтын жас балуандардың жарысқа өз қаржысына баруына байланысты күрес федерацияларын қатаң сынға алды.
Грек-рим күресінен Қазақстан жастар құрамасының бапкері Айдын Сәрсекеев шәкірттерін Азия чемпионатына апару үшін 500 мың теңге несие рәсімдегені белгілі болды. Жасөспірімдер сары құрлық бәсекесінде 13 медаль олжалады, оның алтауы грек-рим балуандарына тиесілі.
Министр бұл жағдайдан кейін күрес спортына бөлінген 2,3 миллиард теңгенің қайда кеткенін сұрады.
«Бір спортшыны жарысқа жіберуге қаржы жоқ болса, неге бапкер несие алуға мәжбүр? Мемлекеттен миллиардтар бөлініп жатыр, олардың игерілуіне кім жауап береді?» – деді министр.
Айта кетейік, бұған дейін Мемлекет басшысы Қасым-Жомарт Тоқаев Париж Олимпиадасы қарсаңында спорт федерацияларының жұмысын сынға алып, бірқатар басшылар қызметінен кеткен еді.