RUS
SMARTNEWS.KZ басылымының хабарлауынша, Алматы облысында туризм саласы тағы да белгілі миллиардер Тимур Құлыбаевтың қолына өтті. Бұл туралы Orda.kz жазды.
Облыстың Туризм басқармасы Вьетнамдық Crystal Bay компаниясымен және Құлыбаевқа тиесілі «Кипрос» ЖШС «Ақ-Бұлақ» тау-шаңғы курортын жаңғырту туралы меморандумға қол қойды. Бұл ақпаратты облыс әкімдігі ресми түрде растады.
Жоба аясында:
Гольф-клуб салынады,
Қонақүй кешені кеңейтіледі,
Жалпы инвестиция көлемі — 233 млрд теңге,
700 жаңа жұмыс орны ашылады.
Әкімдік өкілдері жобаға байланысты жоспар әзірленіп, топографиялық түсірілім аяқталғанын мәлімдеді. Бұдан бөлек, Oi-Qaragai курортын да 83,2 млрд теңге жеке инвестиция есебінен кеңейту жоспарда бар. Дегенмен бұл жобаға Құлыбаев қатыспайды. Сонымен қатар, Тұрген мен Қаскелең шатқалдарын дамытуға арналған концепцияны жасау үшін бюджеттен 70 млн теңге бөлінген.
«Кипрос» ЖШС — толығымен Тимур Құлыбаевқа тиесілі компания. Ол – экс-президент Нұрсұлтан Назарбаевтың күйеу баласы әрі Forbes Kazakhstan рейтингінде 5,3 млрд долларлық байлығымен төртінші орында тұр.
«Кипрос» бұған дейін бірнеше жер дауына іліккен:
2024 жылы Алматыдағы ҚазҰУ жер телімі компаниядан мемлекет меншігіне өтті,
2025 жылы Ақмола облысындағы 3 гектар жер, кадастрлық құны 53,4 млн теңге, компаниядан қайтарылып алынды. Себебі «Кипрос» бұл учаскені 10 жылдан астам уақыт бойы пайдаланбаған.
Жобаға екінші серіктес ретінде қосылған — Crystal Bay Group, Вьетнамның ірі туроператоры. Бұл компания Қазақстан нарығымен біраз жылдан бері жұмыс істеп келеді.