RUS
SMARTNEWS.KZ басылымының хабарлауынша, Қарағанды облысында жаңа туған нәрестесін пойыздың дәретханасы арқылы теміржолға лақтырып жіберген әйелге қатысты сот үкімі шықты. Бұл туралы Қарағанды көлік прокуратурасы хабарлады.
Оқиға 2025 жылдың 20 сәуірінде «Қарағанды – Сұрыптау – Сарыбел» бағытындағы жолаушылар пойызында болған. Жолаушылардың бірі вагондағы санитарлық бөлмеде толғақ ұстап, медициналық көмексіз өз бетінше босанып қалған. Кейін әйел нәрестесін санитарлық тесіктен сыртқа ағызып жіберген.
Тергеу нәтижесінде әйелдің психикалық дертпен ресми тіркеуде тұрғаны және оқиға кезінде ауруының асқынған сатысында болғаны анықталды. Сәби пойыздан теміржолға құлап, ауыр жарақаттар алған.
Қылмыстық істі қараған Қарағанды облысы Осакаров ауданының соты әйелдің қылмыс жасаған сәтте есі дұрыс болмағанын мойындап, оны арнайы медициналық мекемеде мәжбүрлі емдеуге жіберу жөнінде шешім қабылдады.
Айта кетейік, бұл сот үкімі әзірге заңды күшіне енген жоқ.