RUS
SMARTNEWS.KZ басылымының хабарлауынша, Астанада теннистен Қазақстан чемпионатының жекелей сындағы финалдық матчтары өз мәресіне жетті. Ерлер арасындағы басты кездесуде 17 жастағы қарағандылық Әмір Омарханов еліміздің жаңа чемпионы атанды.
Финалда ол Теміртау теннис мектебінің тәжірибелі өкілі Григорий Ломакинмен күш сынасты. Бірінші сетте Әмір қарсыласын 6:1 есебімен сенімді жеңіп, ойынға толық үстемдік етті. Алайда екінші сет басталмай жатып, Ломакин арқа жарақатына байланысты матчты жалғастырудан бас тартты.
Осылайша, Әмір Омарханов алғаш рет ересектер арасындағы Қазақстан чемпионатында жеңімпаз атанып, өз есімін ел спорт тарихына жазды.
Ал қола жүлде Ислам Орынбасарға бұйырды. Оның қарсыласы Тимур Мауленов денсаулығына байланысты ойынға қатыса алмады.