RUS
SMARTNEWS.KZ басылымының хабарлауынша, АҚШ-тың Ұлттық аэронавтика және ғарыш кеңістігін зерттеу басқармасынан (NASA) 3870 қызметкер жұмыстан босатылады, бұл — агенттік қызметкерлерінің шамамен 20%-ы. Бұл туралы dpa агенттігіхабарлады.
Қысқартудан кейін шамамен 14 мың адам жұмысын сақтап қалмақ.
2025 жылдың қаңтарынан бастап АҚШ президенті Дональд Трамп мемлекеттік мекемелер мен ғылыми институттарда жаппай қысқарту саясатын жүргізіп келеді.
Наурыз айында NASA басшылық құрамында алғашқы қысқартулар жасалып, бас ғылыми кеңесші Кэтрин Кельвин мен климат мәселелері жөніндегі аға кеңесшінің қызметі қысқартылған болатын.
«Мемлекеттік құрылымдар туралы жарлыққа сай, NASA кадр құрамын оңтайландыруды кезең-кезеңімен жүзеге асырады», – делінген агенттік хабарламасында.
Шілде айында Трамп АҚШ көлік министрі Шон Даффиді NASA-ның уақытша басшысы етіп тағайындады. Сонымен қатар, Илон Маскпен болған келіспеушіліктерден кейін, президент Джаред Айзекманның (миллиардер және ғарыштық турист) агенттік басшылығына ұсынылған кандидатурасын кері қайтарды.
Маусым айында Reuters агенттігі Ақ үйдің SpaceX-пен жасалған мульти-миллиардтық келісімшарттарды тексеруге бұйрық бергенін хабарлады. Бұл шара да Трамп пен Маск арасындағы жария жанжалдан кейін қолға алынған.