RUS
SMARTNEWS.KZ басылымының хабарлауынша, Қазақстан ұлттық құрамасының жартылай қорғаушысы Бақтиер Зайнутдинов Ыстамбұлдың «Бешикташ» клубымен қоштасты. Ол Мәскеудің «Динамо» командасымен келісімшартқа қол қойып, жаңа клубында №19 жейде астында өнер көрсетпек.
Футболшы Instagram парақшасында клуб ұжымына шынайы алғысын білдіріп, жүрекжарды жазба қалдырды.
«Мен үшін жай ғана команда емес, екінші үйіме айналған клубтан кетіп барамын. Клуб басшылығына, бапкерлерге, қызметкерлерге және жанкүйерлерге алғыс айтамын. Әсіресе, күн сайын қамқорлық көрсеткен клуб қызметкерлеріне және дәмді ас дайындаған аспаздарға ерекше ризамын. Біз бірге нағыз командалық рухты сезіндік. «Бешикташ» менің жүрегімде мәңгі қалады», — деп жазды Зайнутдинов.
Футболшы Түркиялық ұжымда екі маусым өткізді. Осы уақыт ішінде командамен бірге ел кубогы мен суперкубогын жеңіп алып, Еуропа лигасы және Конференциялар лигасындағы кездесулерге қатысты.
Бақтиер Зайнутдиновтің «Динамомен» келісімшарты 2029 жылдың жазының соңына дейін жасалған. Құжатта тағы бір маусымға ұзарту мүмкіндігі де қарастырылған.