RUS
SMARTNEWS.KZ басылымының хабарлауынша, әнші Балжан Бидаш өткен өмірі туралы айтып, еркіндікке деген сағынышын бөлісті. Бұл туралы ол журналист Айкерім Есенәліге берген сұхбатында айтты.
Өнер иесі бұрынғы тұрмыстық өмірін еске алып, еркін өмірге ұмтылғанын жасырмады. Оның сөзінше, өмірлік серігінің өз өміріне үстемдік жүргізуі оның ішкі қарсылығын тудырған.
— Үлкен өмірге қадам басқанда жаныңдағы адам сенің өміріңе билік жүргізбеуі керек. Ата-анам үміт артқан кезде олардың сенімін ақтауға тырыстым. Бірақ өзім қалаған өмірді сүргім келді. Үйдің терезесінен көшедегі әйелдерге қарап, қызығып отырған сәттерім болды. «Қандай бақытты, еркін кетіп бара жатыр» деп ойладым. Сол күндерді еске алып, бүгінгі өміріме шүкір деймін. Шынында да еркіндікті қаладым, — деді әнші.
Сұхбат барысында Балжан болашақта қандай ер-азаматты қасына серік еткісі келетінін де айтты. Оның айтуынша, ол енді ғана шынайы махаббатты күтуде.
— Қазір заң бойынша да «қашан тұрмысқа шығасың?» деп сұрауға болмайды. Осы уақытқа дейін ешкімге шын ғашық болып көрмедім. Енді ер-азаматтарға талап қоя бастадым. Психологиялық жарақаты аз, көзі ашық, оқыған, көреген адам болса деймін. Өнерді түсініп, бағалай алатын болса, ол – үлкен плюс, — деді ол.
Балжан Бидаштың бұл ашық әңгімесі әлеуметтік желі қолданушылары арасында қызу пікірталас тудырды. Көпшілік әншінің ішкі еркіндікке ұмтылысын қолдап, оның шынайылығына тәнті болған.