RUS
SMARTNEWS.KZ басылымының хабарлауынша, Атырауда I’M (бұрынғы McDonald’s) мейрамханасы орналасқан ғимаратты басқаратын «АТЦ-Галерея» компаниясы мен қала әкімдігі арасындағы даулы жер мәселесі аяқталды.
Әкімдік аталған мейрамхана салынған жер телімінің сатып алу-сату шартын жарамсыз деп тануды талап еткен. Айта кетейік, сәуір айында компания бұл дауға байланысты бір сотта жеңіліп қалған еді.
Алайда соңында тараптар бітімге келуге шешім қабылдады. Өйткені, мейрамханадағы 70-тен астам қызметкердің жұмыссыз қалу қаупі туындаған. Кәсіпкерлер палатасының өңірлік өкілі Сәрсенбай Жолдыбаевтың айтуынша, бұл оқиға бизнестің заңды қолдау мен ашық диалог жағдайында жергілікті билікпен тіл табыса алатынын көрсетті. Себебі компания бұл нысанға 6 миллиард теңгеден астам инвестиция салған.
Айта кетейік, бұған дейін Атыраудағы дүкендердің жиі өртену себептері туралы жазған болатынбыз.