RUS
SMARTNEWS.KZ басылымының хабарлауынша, танымал психолог әрі коуч Мақпал Қаратай өзінен 3 жас кіші бұрынғы күйеуімен арадағы қарым-қатынасы жайлы ашық айтып, оны бес жыл бойы күткенін жеткізді. Бұл туралы ол журналист Аман Тасығанға берген сұхбатында баяндады.
«Ол қайта оралады деп үміттендім. Хат жазып, «Бес жыл күтемін» деп уәде бердім. Биыл сол бес жыл толды. «Сен жассың, басың әлі піспеген шығар, отбасыңа қайта оралсаң – мен күтіп отырамын» деп жаздым. Ал ол болса: «Мені күтпей-ақ қой» деп жауап берді», – деді Мақпал Қаратай.
Психологтың айтуынша, ол бұрынғы күйеуін ұмыта алмай, басқа ер адамдармен қарым-қатынас орнатуға да дайын болмаған.
«Күтумен жүріп, алғаш рет түрік азаматына кездесуге келісім бердім. Бірақ бұрынғы күйеуім келіп, «Сен көзіме шөп салып жатырсың» деп айтатындай сезімде болдым. Жолықпадым. Кейін бір аптадан соң қайта кездесейік деп шештім. Бірақ қасымда жүрген қайын сіңлім (бұрынғы күйеуінің туысы) мені көріп: «Сізді басқа еркектің жанында көре алмаймын!» деп айғай салды. Солайша тағы да бас тарттым», – деп бөлісті психолог.
Оның сөзінше, ол бұрынғы күйеуін әлі күнге дейін күтіп жүр.