RUS
SMARTNEWS.KZ басылымының хабарлауынша, Павлодарда ауыр жағдай тіркелді: әйел кішкентай екі баласын көпқабатты үйдің терезесінен лақтырып, артынша өзі де секіріп кеткен. Бұл туралы «За нами уже выехали» Telegram-арнасы мәлімдеді.
Облыстық денсаулық сақтау басқармасының мәліметінше, оқиға қаладағы көппәтерлі үйлердің бірінде болған. Куәгерлердің айтуынша, көшеде кетіп бара жатқан тұрғын балалардың құлағанын көріп, бірден жедел жәрдем шақырған. Оқиға орнына алты минут ішінде үш жедел жәрдем бригадасы жеткен.
Павлодар облысының бала құқықтары жөніндегі уәкілі Сауле Шакеневаның мәліметінше, 1,5 жастағы ұл бала мен 5 жастағы қыз бала ауыр жарақат алып, облыстық балалар ауруханасына шұғыл жеткізілген. Ал әйелдің өзі де ауыр халде, қазір Павлодар қалалық №1 аурухананың жансақтау бөлімінде жатыр.
Трагедия кезінде пәтерде зардап шеккен үш адамнан басқа ешкім болмағаны хабарланды.