RUS
SMARTNEWS.KZ басылымының хабарлауынша, 31 шілдеге қараған түні Ресей әскері Киевке зымыран және дрондармен соққы жасады. Соның салдарынан кемінде алты адам көз жұмып, 50-ден астам тұрғын жарақат алған, олардың арасында тоғыз бала мен үш полицей бар.
Қала билігінің мәліметінше, қаза тапқандардың бірі – алты жасар бала. Шабуыл кезінде полицейлердің бірі шұғыл шақыртуға бара жатқан жолда жарақаттанған.
27 нысан шабуылдан зардап шеккен. Соның ішінде тұрғын үйдің бір подъезі толығымен қирап, бірнеше жерде өрт шыққан. Қазіргі уақытта қалада іздестіру-құтқару жұмыстары жалғасып жатыр.
Ресей тарапы бұл шабуылды растамады. Киев әкімшілігі азаматтық инфрақұрылым нысандарына нысаналы соққы жасалғанын атап өтті.