RUS
SMARTNEWS.KZ басылымының хабарлауынша, Көлік министрі Нұрлан Сауранбаев Үкімет үйінде өткен баспасөз мәслихатында пойыздардың жиі кешігуіне қатысты уәде берді.
Министр бұл мәселені шешуге ниетті екенін айтқанымен, мәселе бірден шешілмейтінін де жасырмады.
«Иә, бұл түйткілді шешуге уәде беремін. Бірақ бұл ұзақ мерзімді жұмыс. Себебі мәселе инфрақұрылым мен инвестицияға келіп тіреледі. Жекеменшік компаниялар жаңа вагондар сатып алу үшін қомақты қаражат жұмсауы керек. Сондықтан бұл жұмысты біртіндеп бірге шешуіміз қажет», – деді министр.
Айта кетейік, Нұрлан Сауранбаев бұған дейін «Қазақстан темір жолы» ұлттық компаниясын басқарған кезде де пойыздар жиі кешігетін. Енді жаңа қызметінде де дәл осы мәселемен бетпе-бет келіп отыр.