eGov.kz және басқа да мемлекеттік сервистерге қол жеткізу уақытша шектеледі
Құжат керек болса, қағазын дайындап қойыңыз – eGov.kz біразға сөнеді
SMARTNEWS.KZ басылымының хабарлауынша, «Ұлттық ақпараттық технологиялар» АҚ (ҰАТ) 2 тамыз күні түнде жоспарлы техникалық жұмыстар жүргізетінін хабарлады. Соған байланысты бірнеше маңызды электрондық мемлекеттік қызметтер уақытша қолжетімсіз болады.
«Техникалық жұмыстар 2 тамызда сағат 02:00-ден 06:00-ге дейін жүргізіледі. Уақыт пайдаланушылар белсенділігі ең төмен кезеңге сәйкес таңдалды, бұл қолайсыздықты азайту үшін жасалды», – деп мәлімдеді ҰАТ баспасөз қызметі.
Осы аралықта төмендегі сервистердің жұмысы уақытша тоқтайды:
eGov.kz порталы мен eGov Mobile мобильді қосымшасы (оның ішінде «Цифрлық құжаттар» сервисі);
e-Otinish, E-license порталдары және Ашық үкімет жүйелері;
Ұлттық куәландырушы орталық (НУЦ РК) қызметтері;
Банктердің мобильді қосымшалары арқылы көрсетілетін мемлекеттік қызметтер, сондай-ақ электрондық үкімет шлюзі арқылы интеграцияланған басқа да жүйелер;
«ҰАТ» АҚ сүйемелдейтін өзге де жобалар.
ҰАТ азаматтарға қолайсыздық тумауы үшін маңызды операцияларды алдын ала аяқтап, қажет жағдайда құжаттардың қағаз нұсқасын әзірлеп қоюды ұсынады.
Материал авторы
