RUS
SMARTNEWS.KZ басылымының хабарлауынша, актриса әрі блогер Айшолпан Байтүгел туған күнінде өзіне үлкен сый жасады. Танымал желі жұлдызы су жаңа Lexus RX 350 көлігін мінгенін жариялап, қуанышымен Instagram парақшасында бөлісті.
«Бұл тек бастамасы. Құттықтауларыңызды қабылдаймын. Көрімдік орнына жақсы тілек жазсаңыздар болады. Бірақ “қооой, беремін” деген жандарға қарсы емеспін. Toyota 70 емес, Lexus RX 350 бұйырыпты. Барша құттықтап жатқан алтын оқырмандарыма рақмет! Айдаладағы бөтен адамның қуанышына қуанып, уақыттарыңызды бөліп комментарий қалдырып отырған пейілдеріңізден айналдым. Мен сіздерді қатты жақсы көремін», – деп жазды ол.
Блогердің қуанышын желі қолданушылары да қызу қолдап, жылы лебіздерін білдіруде. Көпшілік Айшолпанның табандылығын атап өтіп, игі тілектерін арнады.
«Маған да жұғысты болсын», «Таза еңбекпен келген көлік», «Көз алдымызда өсіп жатыр», «Айшолпан еңбекқор қыз», «Жарайсың, енді жеке пәтер ал!» – деген сынды пікірлер толассыз жазылып жатыр.
Айта кетейік, Айшолпан Байтүгел – әлеуметтік желіде белсенділігімен көзге түсіп жүрген жас актриса. Оның контенті мен еңбекқорлығы көптеген оқырманға мотивация беріп келеді.