RUS
SMARTNEWS.KZ басылымының хабарлауынша, Қарағанды облысында болған жол апаты мотоцикл жүргізушісінің өмірін жалмады. Қайғылы оқиға 3 тамыз таңғы уақытта Алматы – Екатеринбург трассасында тіркелген.
Полицияның мәліметінше, таңғы сағат 7:30 шамасында 42 жастағы байкер жол жиегінде тұрған қызметтік Kia Sportage көлігін байқамай, жоғары жылдамдықпен келіп соғылған. Жүргізуші тіпті тежелуге әрекет те жасамаған көрінеді.
– Соққы өте қатты болды. Мотоцикл полиция көлігінің артқы бөлігіне кіріп кеткендей. Жүргізуші жедел жәрдем келгенге дейін көз жұмды, – деді Қарағанды облыстық полиция департаменті.
Аталған факті бойынша қылмыстық іс қозғалып, сараптамалар тағайындалды. Қазір оқиғаның мән-жайы тергеліп жатыр.
Полиция өкілдері апатқа себеп болуы мүмкін негізгі факторлар ретінде жүргізушінің шектен тыс жылдамдығы мен жолдағы мұқиятсыздығын атап отыр.