RUS
SMARTNEWS.KZ басылымының хабарлауынша, Алматыда Ерменсай ықшамауданында заңсыз салынған таунхаусты сүру кезінде үй иесі өзін өртемек болды. Ер адам осылайша бульдозерлердің жұмысын тоқтатуға тырысқан.
Тұрғын үш қабатты тұрғын үйді рұқсат құжаттарынсыз салған. Парламент депутаты Бақытжан Базарбектің айтуынша, үй ауыл шаруашылығы және бау-бақша мақсатындағы жер теліміне тұрғызылған.
«Меншік иесі бұл жерге екі көппәтерлі үйді заңсыз салған. Сот шешімімен ғимараттарды сүру міндеттелді», — деді депутат Instagram парақшасында жариялаған видеосында.
Базарбектің айтуынша, үйді бұзу кезінде меншік иесі арандатушылық әрекеттерге барған: өзін өртемек болып, сот орындаушысына күш қолдануға тырысқан. Алайда соған қарамастан, ғимарат сүрілді.