RUS
SMARTNEWS.KZ басылымының хабарлауынша, елде әлеуметтік осал топтарды қолдауға және азық-түлік бағасын тұрақтандыруға бағытталған бірқатар шаралар қолға алынуда. Бұл туралы Сауда және интеграция министрі Арман Шаққалиев мәлімдеді.
Министрдің айтуынша, әлеуметтік маңызы бар азық-түлік тауарларына (ӘМАТ) 15 пайыздық сауда үстемесіне бақылау күшейтіледі. Бұл мақсатта арнайы баға талдау модулі іске қосылып, басқарушылық шешімдерді жедел қабылдауға мүмкіндік береді.
Сонымен қатар, атаулы әлеуметтік көмек (АӘК) алушыларға азық-түлік ваучерін беру бойынша пилоттық жоба іске қосылады. Бұл жүйе аясында азаматтар азық-түлікті сауда үстемесінсіз, яғни сатып алу бағасымен алу мүмкіндігіне ие болады.
Пилоттық жоба Ақкөл, Көкшетау және Павлодар қалаларында жүргізіледі. Оған шамамен 5 мың АӘК алушы қатысады деп жоспарланған.