RUS
SMARTNEWS.KZ басылымының хабарлауынша, Атырауда жекеменшік балабақшада үш жасар қыз ауыр жарақат алды. Анасының айтуынша, балабақша қызметкерлері баланың басы ауырғанын айтып, оны алып кетуді сұраған. Бірақ ауруханаға түскен соң, дәрігерлер бүлдіршіннің миы шайқалып, қос қолы сынғанын анықтаған. Бұл туралы Orda.kz жазды.
Оқиға 28 шілдеде болған. Анасының сөзінше, балабақшадан хабарласып, қыздың басы ауырып тұрғанын, баспалдақтан құлағанын айтқан.
«Барғанда топырлаған дауыстар шықты, не болып жатқанын түсіне алмадық. Мұғалімдер кешірім сұраудың орнына, өздерін ақтай бастады. Камера жазбаларын көрсетуімізді сұрағанда, олар ‘камералар өшіп тұрған’, ‘монитор істемей қалған’ деп жауап берді», – дейді анасы.
Сол күні бала ауруханаға жеткізіліп, тексеруден өтті. Дәрігерлер жабық бас-ми жарақатын, ми шайқалуынжәне екі қолының сынғанын анықтаған.
Ата-анасы полицияға арыз жазған. Қазіргі уақытта нақты не болғаны белгісіз, өйткені бейнебақылау жұмыс істемеген, ал балабақша оқиғаны түсіндіре алмай отыр.
«Не болғанын ешкім білмейді. Бейнебақылау істемейді, ешқандай нақты жауап жоқ. Қызым ауыр жарақатпен шықты, бірақ жауап беретін адам әлі анықталмады», – дейді анасы.
Қазір бұл оқиға бойынша ҚР Қылмыстық кодексінің 140-бабының 2-бөлігі – «Баланың өмірі мен денсаулығы қауіпсіздігін қамтамасыз ету жөніндегі міндеттерді тиісті деңгейде орындамау» бойынша тергеу жүріп жатыр.