RUS
SMARTNEWS.KZ басылымының хабарлауынша, Астана гарнизонының әскери соты 19 жастағы Жасұлан Әбдіманапты өлтірген ефрейтор Мурод Абдижамиловқа 15 жыл бас бостандығынан айыру жазасын кесті. Ол Қылмыстық кодекстің «Адам өлтіру» бабы бойынша кінәлі деп танылды.
Сот үкіміне сәйкес, Абдижамилов марқұмның отбасына моральдық зиян ретінде 20 миллион теңге өтемақы төлеуге міндеттелді. Оның сыбайластары — Диас Ибрагимов 2 жыл 8 айға, ал Адина Мамаева 4 ай 6 күнге бас бостандығынан айырылды.
Оқиға биыл 19 ақпанда болған. Жасұлан Әбдіманапты таныстары қарыз мәселесін талқылау үшін шақырған. Кейін белгілі болғандай, оның атына 8 несие рәсімделген.
Тергеу дерегінше, сол күні кешке күдіктілер оны көлікпен қала сыртына алып кетіп, соққыға жыққан. Абдижамилов жас жігітке пышақ жарақатын салып, Жасұлан қашпақ болғанымен, небәрі 60 метр жүгіріп үлгерген. Қуып жеткен күдікті оған 17 рет пышақ сұққан.
Марқұмның денесі екі күннен кейін Сарыағаш қаласынан табылған.