RUS
SMARTNEWS.KZ басылымының хабарлауынша, Ақтөбе теміржол вокзалында 47 жастағы жолаушылар пойызының бастығы қаза тапты.
Полиция дерегінше, перронда оған бейтаныс ер адам келіп, темекі сұраған. Бас тартқан соң күдікті пышақ шығарып, жәбірленушіге алты рет жарақат салған.
Оқиға бейнебақылау камерасына түсіп қалған, алайда жазба тергеу мүддесіне байланысты жарияланған жоқ.
Күдікті — 28 жастағы Ақтөбе тұрғыны, бұрын сотталған және пробациялық бақылауда болған. Ол ұсталып, уақытша ұстау изоляторына қамалды. Қылмыстық кодекстің «Адам өлтіру» бабымен іс қозғалды.
«Жолаушылар тасымалы» АҚ мәліметінше, қайғылы жағдай марқұмның демалыста жүрген кезінде болған.
Қазір тергеу амалдары жүргізілуде.