RUS
SMARTNEWS.KZ басылымының хабарлауынша, Алматыда өткен Дженнифер Лопестің концерті көрермендер есінде ерекше сәтпен қалды — сахнаға әншінің мойнына шегіртке шығып кетті. Бұл күтпеген «қонақ» әлеуметтік желілерде нағыз сенсацияға айналды.
Оқиға концерттің қызған кезінде болған. Ән айтып тұрған Лопестің мойнына шегіртке жорғалап шығып, жұлдыз оны қолымен сыпырып тастайды да, шоуын жалғастыра береді. Осы сәттің видеосы мен суреттері желіде таралып, бірнеше күн бойы әлемнің түкпір-түкпірінде талқыланды.
Креативті қазақстандықтар бұл жағдайды да пайдаға асырып үлгерді. Танымал онлайн-платформада «JLo-ның иісі сіңген шегіртке» деген жарнамамен жәндік сатылымға шыққан.
OLX
Threads желісінде қолданушылар бұл оқиғаға әзіл аралас пікірлер қалдырды:
«Шегіртке Дженнифер Лопеске әлемдік деңгейде тағы да танымалдық қосып берді», «Шегіртке барын салып жұмыс істеді, оған медаль беру керек», «Басқа аймақтардағы шегіртке шабуылдарын осылай өтеп жатыр», «Енді Қазақстандағы шегіртке — қасиетті жәндік».