Алматыдағы Дженнифер Лопес концертіне қатысты волонтерлердің шағымынан кейін омбудсмен араласты
Іс-шара кезінде балалар ұзақ уақыт бойы ас-сусыз қалған.
SMARTNEWS.KZ басылымының хабарлауынша, Алматыда өткен Дженнифер Лопестің концертіне қатысқан кәмелетке толмаған волонтерлер әлеуметтік желіде жұмыс жағдайына қатысты шағым білдірді. Олардың айтуынша, іс-шара кезінде балалар ұзақ уақыт бойы сусыз және тамақсыз қалған.
Балалар құқықтары жөніндегі уәкіл Динара Зәкиева бұл жағдайға қатысты пікір білдіріп, Комитетке және тиісті органдарға барлық мән-жайды тексеру туралы өтініш жолдағанын мәлімдеді.
Ал жедел штаб өкілдері бұған жауап ретінде волонтерлер ашық іріктеу арқылы таңдалғанын, 6 мың өтініштің ішінен 300 адамның шақырылғанын айтты. Олардың сөзінше, концерт күні волонтерлерге тамақ пен сусын берілген, демалыс аймағы мен ауызсуға қолжетімділік қамтамасыз етілген. Сондай-ақ, әрқайсысы өз қалауы бойынша жұмыс уақытын таңдай алған.
Ұйымдастырушылар жарияланған кей ақпараттың шындыққа жанаспайтынын алға тартып, волонтерлік қызметтің ерікті әрі саналы таңдау екенін атап өтті.
Материал авторы
