RUS
SMARTNEWS.KZ басылымының хабарлауынша, Алматыда алаяқтық бабы бойынша іздеуде болған NEF Qazaqstan компаниясының 52 жастағы басшысы Тарык Волкан Оскай ұсталды. Бұл ақпаратты ҚР Ішкі істер министрлігі растады.
ІІМ дерегінше, Алматы қаласы Полиция департаменті Қылмыстық кодекстің 190-бабы 4-бөлігі («Алаяқтық») бойынша сотқа дейінгі тергеу жүргізіп жатыр. Тергеу шеңберінде істің мән-жайын жан-жақты анықтау шаралары қабылдануда. Қылмыстық-процестік кодекстің 201-бабына сәйкес, тергеу мәліметтері жарияланбайды.
Министрлік күдіктіні Қазақстанға экстрадициялау мәселесі Бас прокуратураның құзыретінде екенін атап өтті.
Ашық деректерге сәйкес, 2022 жылы Astana International Exchange (AIX) алаңында NEF Qazaqstan 6 млрд теңгеге алғашқы облигацияларын орналастырған. Алайда 2023 жылы компания 4 млрд теңгеден асатын негізгі қарызды және 402 млн теңге мөлшеріндегі купондық төлемді өтей алмай, AIX тарихындағы алғашқы дефолтқа жол берген.