RUS
SMARTNEWS.KZ басылымының хабарлауынша, қазан айында Әзербайжан президенті Ильхам Әлиевтің Қазақстанға мемлекеттік сапармен келуі жоспарланып отыр. Бұл ақпаратты ҚР Президентінің кеңесшісі әрі баспасөз хатшысы Руслан Желдібай хабарлады.
Оның айтуынша, бұл мәселе жақында екі ел басшыларының телефон арқылы сөйлесуінде талқыланған. Қазіргі таңда тараптар сапардың нақты мерзімі мен мазмұнын келісу үстінде.
Айта кетсек, өткен жылы Мемлекет басшысы Қасым-Жомарт Тоқаев Әзербайжанға мемлекеттік сапармен барған болатын. Сол кезде Қазақстан мен Әзербайжан басшылары екіжақты ынтымақтастықты жаңа – стратегиялық серіктестік деңгейіне көтеру туралы келісімге келіп, одақтастық қарым-қатынастарды нығайтатын маңызды құжаттарға қол қойған еді.
Алдағы сапар барысында да тараптар саяси, экономикалық және мәдени байланыстарды одан әрі дамытуға бағытталған бірқатар жаңа келісімдер жасасуы мүмкін.