RUS
SMARTNEWS.KZ басылымының хабарлауынша, «Қойшы бала» әнімен танылған жас әнші Айдос Кәден кезекті рет продюсерімен қош айтысты. Бұл жолы ол Қанағат Меченбайдың орталығынан кетіп, шығармашылық жолын өз бетінше жалғастыруға шешім қабылдаған.
Қанағат Меченбай әлеуметтік желіде ресми мәлімдеме жасап, Айдостың енді жеке жұмыс істейтінін айтты.
«Құрметті қазақ елі! Айдосқа қатысты сұрақ көп түсіп жатыр. Ол өз бетімен еңбек етпек. Қолға тұрмай кетті, талай жоспарымыз орындалмай қалды. Сондықтан, өз жолымен кеткені дұрыс деп шештім. Менің де шығармашылық жоспарларым бар. Ең бастысы, аман жүрсін, адам болсын!», — деді ол.
Айдос Кәден бұған дейін Жігер Ауыпбаевтың продюсерлік қолдауынан кетіп, кейін өкінішін де жасырмаған еді.
«Жігер ағадан кеткеніме қатты өкіндім. Өнерде әлі білмейтінім көп екенін түсіндім. Халықтан да, ағадан да кешірім сұраймын. Бұл маған үлкен сабақ болды», — деген болатын жас әнші.
Осылайша, көптің назарына іліккен «Қойшы бала» қазір толықтай жеке шығармашылыққа бет бұрды.