RUS
SMARTNEWS.KZ басылымының хабарлауынша, белгілі айтыскер ақын, марқұм Оразалы Досбосыновтың ұлы Нұрсұлтан шығармашылық жолын бастап, көпшілікке өтініш айтты.
Жас өнер иесі өзін NRS деген атпен таныстырып, рэп жанрында жұмыс істейтінін жеткізді. Ол алдағы уақытта алғашқы авторлық туындысын тыңдармандарға ұсынбақ.
«Маған сенім білдіріп, жанымнан табылған барша жандарға алғыс айтамын. Жақында жүрегімнен шыққан алғашқы әнім жарық көреді. Қолдау көрсеткілеріңіз келсе, Instagram парақшама тіркеліп қойыңыздар», — деді ол.
Нұрсұлтан ата-анасын қатты сағынатынын да жасырмады.
«Әке-шешемді қатты сағынамын. Өкінішке қарай, оларды бұл өмірге қайтара алмаймыз. Бірақ солардың көзін көрген, араласқан жандар аман болсын. Сіздерден өтінішім — маған тілеулес болып, арман-мақсатыма жетуіме демеу беріңіздер. Себебі, олардың артында қалған аманат — менмін», — деп жазды ол.
Айта кетейік, жуырда Нұрсұлтан Досбосынов әке атанған еді.