RUS
SMARTNEWS.KZ басылымының хабарлауынша, интернетте Еуропа елдерінің басшылары АҚШ президенті Дональд Трампты Ақ үй дәлізінде басы салбырап күтіп отырғандай көрсетілген сурет тарады. Кейбір қолданушылар мұны «Еуропаны қорлау» деп атап, оларды «вассалдарға» немесе «мектеп директорының кабинетіне кезек күткен оқушыларға» теңеді.
Алайда Euronews дерегінше, бұл сурет жалған. Кадрда жасанды интеллектке тән қателер бар: кейіпкерлердің саусақтары бұрмаланған, ал бір жерде қосымша аяқтар пайда болған.
Сурет: X
Желі қолданушылары фотодағы адамдарды Франция президенті Эммануэль Макрон, Еуррокомиссия басшысы Урсула фон дер Ляйен және Италия премьері Джорджия Мелониге ұқсатқан. Бірақ олардың бет-бейнесі мен киімі сәйкес келмейді.
Украинаның Дезинформацияға қарсы орталығы да бұл суретті фейк деп таныды. Орталықтың мәлімдеуінше, мұндай контентті ресейлік аккаунттар таратып, Еуропа лидерлерін масқаралауға және Украинаға қолдау көрсету процесін әлсіретуге тырысуда.